SYED ZAIN UMAR

امریکا اور اسرائیل کے فضائی حملوں میں تہران میں واقع اسپتال تباہ

by none@none.com (ویب ڈیسک) on March 1, 2026 at 7:55 pm

ایرانی خبر رساں ایجنسیوں کے مطابق تہران کے شمالی حصے میں واقع گاندھی اسپتال کو امریکی اور اسرائیلی فضائی حملوں کا نشانہ بنایا گیا ہے۔ حملے کے بعد ہسپتال کے اندر ملبہ بکھرا ہوا پایا گیا اور خالی ویل چیئرز منظرعام پر آئیں۔ ایرانی نیوز ایجنسی آئی ایس این اے نے رپورٹ کیا ہے کہ تہران کے گاندھی اسپتال پر امریکا اور اسرائیل نے فضائی حملے کیے ہیں۔ ایجنسی کے مطابق یہ حملہ اسپتال کو نشانہ بنا کر انجام دیا گیا۔ فارس اور میزان نیوز ایجنسیوں نے اسپتال کے اندر سے ایک ویڈیو بھی جاری کی ہے، جس میں اسپتال کے فرش پر ملبہ بکھرا ہوا اور خالی ویل چیئرز نظر آ رہی ہیں۔ اُدھر اسرائیلی فوج نے بھی اپنے تازہ بیان میں کہا ہے کہ اس نے ایران کی حکومت سے متعلق اہداف کو تہران کے قلب میں نشانہ بنایا ہے۔ فوج کے مطابق اسرائیلی فضائیہ نے فوجی انٹیلیجنس کی رہنمائی میں حملوں کی ایک لہر کا آغاز کیا ہے۔ ۔ تہران سے موصول ہونے والی مختلف اطلاعات کے مطابق شہر کے مختلف علاقوں میں متعدد دھماکوں کی آوازیں سنی گئی ہیں۔

متحدہ عرب امارات نے ایران سے اپنا سفیر واپس بلا لیا، سفارتخانہ بند کرنے کا اعلان

by none@none.com (ویب ڈیسک) on March 1, 2026 at 7:14 pm

متحدہ عرب امارات (یو اے ای) نے ایران میں اپنا سفارتخانہ بند کرنے اور اپنے سفیر کو واپس بلانے کا اعلان کردیا ہے۔ یہ اقدام ایرانی حملوں کے بعد کیا گیا ہے جس میں یو اے ای کی سرزمین کو نشانہ بنایا گیا تھا۔ یو اے ای کی وزارت خارجہ کی جانب سے سوشل میڈیا پلیٹ فارم ایکس پر جاری بیان میں کہا گیا ہے کہ تہران میں واقع سفارتخانہ بند کیا جا رہا ہے اور تمام سفارتی عملے کو واپس بلایا جا رہا ہے۔ وزارتِ خارجہ کی ڈائریکٹر برائے اسٹریٹجک کمیونیکیشن افرا الحمیلی نے سوشل میڈیا پر بیان جاری کرتے ہوئے ایرانی میزائل حملوں کی سخت الفاظ میں مذمت کی۔ بیان میں کہا گیا کہ یہ فیصلہ ایرانی میزائل حملوں کے جواب میں کیا گیا جو براہِ راست ملک کی سرزمین کو نشانہ بنا رہے تھے اور شہری مقامات، رہائشی علاقوں، ہوائی اڈوں، بندرگاہوں اور سروس سہولیات کو نقصان پہنچا رہے تھے، جس سے شہریوں کی جان خطرے میں آگئی۔ یو اے ای کے اس اقدام سے ایران اور خلیج میں امن و سلامتی کی صورتحال پر مزید تشویش ظاہر ہوتی ہے اور دونوں ممالک کے تعلقات پر اثر پڑنے کا امکان ہے۔

مجھے بتایا گیا ہے کہ ہم نے ایران کے 9 بحری جہاز تباہ کر دیے، ٹرمپ

by none@none.com (ویب ڈیسک) on March 1, 2026 at 6:51 pm

امریکی صدر ڈونلڈ ٹرمپ کا کہنا ہے کہ امریکی حملوں میں ایران کا نیوی ہیڈ کوارٹر تباہ کردیا گیا ہے۔ صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر پیغام جاری کیا جس میں انہوں نے کہا کہ ایران کے کچھ جہاز بڑے اور اہم ہیں اور باقی بھی جلد سمندر کی تہہ میں پہنچ جائیں گے۔ امریکی صدر کا کہنا ہے کہ مجھے بتایا گیا ہے کہ ہم نے ایران کے نو بحری جہاز تباہ کیے ہیں۔ ان میں کچھ جہاز بڑے اور اہم نوعیت کے ہیں۔ انہوں نے مزید کہا کہ باقی جہازوں کو بھی نشانہ بنایا جا رہا ہے اور وہ جلد مکمل طور پر ختم ہو جائیں گے۔ ٹرمپ نے کہا کہ ایک علیحدہ حملے میں ایرانی نیول ہیڈ کوارٹر کو بڑے پیمانے پر نقصان پہنچایا گیا ہے، تاہم انہوں نے اس حملے کی تصاویر یا ویڈیو سوشل میڈیا پر شیئر نہیں کیں۔ ٹرمپ کی جانب سے یہ بیان ایسے وقت میں سامنے آیا ہے جب امریکا کی جانب سے ایران کی فوجی تنصیبات پر بمباری میں شدت آگئی ہے۔ اب تک اس دعوے کی طرف سے ایرانی حکومت یا نیول ذرائع کی جانب سے کوئی تصدیق یا ردعمل موصول نہیں ہوا ہے۔ دوسری جانب امریکی فوج کی سینٹرل کمانڈ نے اتوار کو ایرانی حملوں میں ہلاک ہونے والے تین امریکی فوجیوں کی ہلاکت اور پانچ اہلکاروں کے شدید زخمی ہونے کی تصدیق کی ہے۔

نامعلوم ہیکرز نے جیو نیوز کی اسکرین ہیک کر کے نامناسب پیغام چلا دیا

by none@none.com (ویب ڈیسک) on March 1, 2026 at 5:59 pm

نجی ٹی وی چینل جیو نیوز کی لائیو نشریات اتوار کے روز مختصر طور پر متاثر ہوئیں جب ہیکرز نے چینل کے براڈکاسٹ فیڈ پر قبضہ کر کے اسکرین پر ایک غیر مناسب پیغام چلا دیا۔ چینل انتظامیہ نے اس واقعے کی تصدیق کرتے ہوئے کہا کہ یہ حملہ بیرونی تھا۔ چینل کے بیان کے مطابق لائیو نشریات کو مسلسل رکاوٹ کا سامنا ہے اور اسکرین کو ہیک کرکے نامناسب پیغام نشر کیا گیا، اس صورتحال کا جیو نیوز سے کوئی تعلق نہیں ہے۔ یہ خلل اس وقت سامنے آیا جب ہیکرز نے چینل کی سیٹلائٹ فریکوئنسی تک غیر مجاز رسائی حاصل کی، جس سے ان کی نشریات میں تکنیکی رکاوٹیں پیدا ہوئیں۔ چینل کی جانب سے جاری بیان میں بتایا گیا کہ گزشتہ 24 گھنٹوں کے دوران PAKSAT کمیونیکیشن سیٹلائٹ کے ذریعے چلنے والے نشریاتی نظام پر بار بار ہیکنگ کی کوششیں کی گئی تھیں۔ انتظامیہ کے مطابق واقعے سے قبل بھی نشریات میں وقفے وقفے سے خلل پیدا ہوتا رہا تھا۔ بیان میں مزید کہا گیا ہے کہ جیو نیوز کی اسکرین کو ہیک کر کے غیر مناسب چلا گیا جس پر چینل انتظامیہ نے متعلقہ حکام سے فوری کارروائی کا مطالبہ کر دیا ہے۔

ٹی 20 ورلڈکپ: بھارت نے ویسٹ انڈیز کو ہرا کر سیمی فائنل میں جگہ بنا لی

by none@none.com (ویب ڈیسک) on March 1, 2026 at 5:40 pm

آئی سی سی مینز ٹی ٹوئنٹی ورلڈ کپ کے سپر ایٹ مرحلے کے اہم میچ میں بھارت نے ویسٹ انڈیز کو شکست دے دی ہے۔ کولکتہ میں کھیلے گئے سپر ایٹ مرحلے کے اہم میچ میں بھارت نے ویسٹ انڈیز کو آخری اوور میں شکست دے کر 196 رنز کا ہدف حاصل کر کے ٹی ٹوئںٹی ورلڈ کپ کے سیمی فائنل میں جگہ بنا لی۔ اس شکست کے ساتھ ہی ویسٹ انڈیز کا ٹورنامنٹ میں سفر ختم ہو گیا۔ ویسٹ انڈیز نے پہلے بیٹنگ کرتے ہوئے 4 وکٹوں کے نقصان پر 195 رنز بنائے۔ روسٹن چیس نے 40، جیسن ہولڈر نے 37 اور روومین پاؤل نے 34 رنز کا قیمتی اضافہ کیا۔ بھارت کی جانب سے سنجو سیمسن شاندار فارم میں نظر آئے اور 97 رنز بنا کر ٹیم کے ٹاپ اسکورر رہے۔ بھارت نے مقررہ ہدف آخری اوور میں حاصل کر کے میچ اپنے نام کیا۔ اس فتح کے ساتھ ورلڈکپ کی سیمی فائنلسٹ لائن اپ مکمل ہو گئی ہے۔ پہلا سیمی فائنل 4 مارچ کو جنوبی افریقا اور نیوزی لینڈ کے درمیان کھیلا جائے گا جبکہ دوسرا سیمی فائنل 5 مارچ کو انگلینڈ اور بھارت کے درمیان شیڈول ہے۔

ایران کی نئی قیادت مجھ سے بات کرنا چاہتی ہے: ٹرمپ کا دعویٰ

by none@none.com (ویب ڈیسک) on March 1, 2026 at 5:38 pm

امریکی صدر ڈونلڈ ٹرمپ نے دعویٰ کیا ہے کہ ایران کی نئی لیڈرشپ امریکا کے ساتھ مذاکرات کرنا چاہتی ہے۔ برطانوی خبر رساں ادارے رائٹرز کے مطابق صدر ٹرمپ نے اتوار کے روز کہا ہے کہ ایران کی نئی قیادت ان سے بات چیت کرنا چاہتی ہے جس پر انہوں نے آمادگی ظاہر کر دی ہے۔ یہ بات انہوں نے امریکی جریدے دی اٹلانٹک کو دیے گئے ایک انٹرویو میں کہی ہے۔ فلوریڈا میں اپنی رہائش گاہ سے انٹرویو دیتے ہوئے ٹرمپ نے کہا کہ وہ بات کرنا چاہتے ہیں اور میں نے بات کرنے پر رضامندی ظاہر کر دی ہے، لہٰذا میں ان سے بات کروں گا۔ انہیں یہ پہلے کر لینا چاہیے تھا۔ امریکی صدر کا کہنا تھا کہ انہیں وہ چیز پہلے دے دینی چاہیے تھی جو نہایت عملی اور آسان تھی۔ انہوں نے بہت زیادہ انتظار کیا مگر وہ زیادہ ہوشیاری دکھانے کی کوشش کر رہے تھے۔ ٹرمپ نے یہ واضح نہیں کیا کہ وہ ایران کی کس شخصیت سے بات کریں گے اور نہ ہی یہ بتایا کہ یہ گفتگو اتوار کو ہوگی یا پیر کے روز ہوگی۔ رائٹرز کے مطابق ٹرمپ نے مزید کہا کہ حالیہ عرصے میں امریکا کے ساتھ مذاکرات میں شامل بعض افراد اب زندہ نہیں رہے۔ ان کے بقول زیادہ تر لوگ اب نہیں رہے کیونکہ یہ ایک بڑا حملہ تھا۔ دوسری جانب ایرانی صدر مسعود پزشکیان کا کہنا ہے کہ ایک قیادتی کونسل، جس میں وہ خود عدلیہ کے سربراہ اور طاقتور گارجین کونسل کے ایک رکن شامل ہیں، نے آیت اللہ خامنہ ای کی وفات کے بعد عارضی طور پر سپریم لیڈر کی ذمہ داریاں سنبھال لی ہیں۔

ایران کا امریکی بحری بیڑے پر حملے کا دعویٰ، امریکا کی تردید

by none@none.com (ویب ڈیسک) on March 1, 2026 at 3:31 pm

ایران نے فضائی حملوں کے بعد امریکا پر بحری حملہ بھی کردیا ہے، ایران کی جانب سے امریکا کے سب سے مضبوط بحری بیڑے ابراہم لنکن پر حملہ کیا گیا جس کی امریکی سینٹرل کمانڈ نے تردید کی ہے۔ ایک امریکی عہدیدار نے الجزیرہ کو بتایا ہے کہ ایرانی میزائل حملے سے امریکی طیارہ بردار بحری جہاز یو ایس ایس ابراہم لنکن متاثر نہیں ہوا اور وہ بدستور اپنی کارروائیاں جاری رکھے ہوئے ہے۔ امریکی عہدیدار کے مطابق ایرانی میزائل جہاز تک پہنچ ہی نہیں سکا اور اس سے کسی قسم کا نقصان نہیں ہوا۔ اس سے قبل ایران کے پاسدارانِ انقلاب نے دعویٰ کیا تھا کہ انہوں نے یو ایس ایس ابراہم لنکن کو چار بیلسٹک میزائلوں سے نشانہ بنایا ہے۔ تاہم امریکی حکام کا کہنا ہے کہ جہاز مکمل طور پر محفوظ ہے اور اپنی آپریشنل سرگرمیاں معمول کے مطابق جاری رکھے ہوئے ہے۔

امریکا کی ایرانی حملوں میں اپنے فوجیوں کی ہلاکت کی تصدیق

by none@none.com (ویب ڈیسک) on March 1, 2026 at 3:18 pm

ایران کے حملوں میں تین امریکی فوجی ہلاک جبکہ متعدد زخمی ہوگئے ہیں، جس کی تصدیق امریکی سینٹرل کمانڈ نے باضابطہ طور پر کر دی ہے۔ الجزیرہ کے مطابق یو ایس سینٹرل کمانڈ کی جانب سے سوشل میڈیا پلیٹ فارم ایکس پر جاری بیان میں کہا گیا ہے کہ ایران کے خلاف جاری آپریشن کے دوران تین امریکی سروس ممبرز مارے گئے ہیں جبکہ پانچ فوجی شدید زخمی ہیں۔ بیان میں کہا گیا ہے کہ اس کے علاوہ کئی اہلکار معمولی نوعیت کے زخموں، شریپنل لگنے اور دماغی چوٹ (کنکشن) کا شکار ہوئے، جنہیں ابتدائی طبی امداد اور مرہم پٹی کے بعد دوبارہ تعینات کیا جا رہا ہے۔ امریکی سینٹرل کمانڈ نے واضح کیا کہ بڑے پیمانے پر جنگی کارروائیاں بدستور جاری ہیں اور ایران کے خلاف ردعمل کا سلسلہ بھی جاری رکھا جائے گا۔ حکام کے مطابق صورتحال تیزی سے بدل رہی ہے، تاہم ہلاک اور زخمی اہلکاروں سے متعلق مزید تفصیلات متاثرہ خاندانوں کو اطلاع دینے کے بعد جاری کی جائیں گی۔ بیان میں کہا گیا کہ ایران کے خلاف امریکی حملے اور فوجی آپریشن جاری رہیں گے۔

اسرائیلی کمانڈرز اپنی جان بچانے کے لیے ہوٹلوں میں چھپے ہیں: عباس عراقچی

by none@none.com (ویب ڈیسک) on March 1, 2026 at 3:06 pm

ایران کے وزیر خارجہ عباس عراقچی نے کہا ہے کہ ایران نے خطے میں جوابی کارروائیوں کے دوران سب سے پہلے دشمن کی ملٹری بیسز کو نشانہ بنایا۔ اپنے بیان میں عباس عراقچی کا کہنا تھا کہ دشمن فوجیوں نے ایرانی حملوں کے بعد اپنے اڈے چھوڑ کر ہوٹلوں میں پناہ لی۔ عباس عراقچی کا کہنا تھا کہ دشمن کے کمانڈرز اپنی جان بچانے کے لیے انسانی شیلڈ استعمال کر رہے ہیں۔ ایرانی وزیر خارجہ نے واضح کیا کہ ایران نے اپنا آپریشن صرف دشمن فوجیوں تک محدود رکھا ہوا ہے اور عام شہریوں کو نشانہ نہیں بنایا جا رہا۔ ان کا کہنا تھا کہ ایران صرف ان مقامات کو نشانہ بنا رہا ہے جہاں سے ایران پر حملوں کی معاونت کی گئی۔ عباس عراقچی نے مزید کہا کہ ایران کی کارروائیاں مخصوص عسکری اہداف تک محدود ہیں اور ان کا مقصد ان عناصر کو جواب دینا ہے جو ایران کے خلاف حملوں میں ملوث رہے ہیں۔ واضح رہے کہ ایرانی میڈیا نے آج صبح سپریم لیڈر آیت اللہ خامنہ ای کی شہادت کی تصدیق کی تھی۔ اس سے قبل اسرائیلی وزیراعظم نیتن یاہو اور امریکی صدر ڈونلڈ ٹرمپ نے بیان میں کہا تھا کہ ایران کے سپریم حملے میں مارے گئے ہیں۔ فارس نیوز ایجنسی کے مطابق خامنہ ای کی شہادت کے بعد ایران کی حکومت نے ملک بھر میں 40 روزہ سوگ کا اعلان کیا ہے۔ اس کے علاوہ ایرانی حکومت نے سات روزہ عام تعطیل کا بھی اعلان کیا ہے۔ ایران کی خبر رساں ایجنسیوں ’تسنیم‘ اور ’فارس‘ نے بھی آیت اللہ علی خامنہ ای کی موت کی تصدیق کردی تھی۔

وزیراعظم کی زیرصدارت اہم اجلاس: افغانستان و ایران سمیت خطے کی سیکیورٹی صورت حال کا جائزہ

by none@none.com (طارق چوہدری) on March 1, 2026 at 2:11 pm

وزیراعظم شہباز شریف کی زیرصدارت ہونے والے اہم اجلاس میں افغانستان اور ایران سمیت خطے کی سیکیورٹی صورت حال کا جائزہ لیا گیا ہے۔ اتوار کو وزیراعظم شہبازشریف کی زیرِصدارت علاقائی اور ملکی سیکیورٹی صورت حال پر جائزے کے لیے اعلی سطح اجلاس وزیراعظم ہاؤس اسلام آباد میں ہوا۔ اعلامیے کے مطابق اجلاس میں وفاقی وزرا، اعلی عسکری قیادت اور انٹیلی جنس اداروں کے سربراہان نے شرکت کی۔ اجلاس میں ملک بھرمیں امن وامان کی صورت حال اور پاکستان کی مغربی سرحد پرافغان طالبان کی جانب سے جاری جارحیت کے خلاف جوابی کارروائی کا جائزہ لیا گیا۔ شرکا نے پاک افواج اورفضائیہ کی جانب سے فتنہ الخوارج کی سرکوبی کے لیے مؤثر اور جامع کارروائیوں کی تعریف کی جب کہ شرکا نے پاکستان کی سالمیت، خودمختاری اور وقار کی ہر قیمت پر حفاظت کے عزم کا اعادہ کیا گیا۔ اجلاس کے دوران خارجہ پالیسی اورقومی سلامتی کے حوالے سے مشاورت کی گئی جب کہ اجلاس میں افغانستان کی صورت حال کا بھی جائزہ لیا گیا۔ اجلاس کو ملک کی داخلی صورت حال اور سیکیورٹی انتظامات پر بھی بریفنگ دی گئی جب کہ اجلاس کے شرکا کو بتایا گیا کہ آذربائیجان کے ذریعے پاکستانی شہریوں کے ایران سے انخلاء کوممکن بنایا جا رہا ہے۔ علاوہ ازیں ایران کے سپریم لیڈر آیت اللہ خامنہ ای کی امریکی اور اسرائیلی حملے میں شہادت کے بعد پاکستان کی سفارتی سرگرمیوں میں اہم تبدیلی سامنے آئی ہے اور وزیراعظم شہباز شریف نے اپنا دو روزہ دورہ روس مؤخر کر دیا ہے۔ ذرائع وزیراعظم ہاؤس کے مطابق شہباز شریف کو پیر (2 مارچ) سے روس کے دو روزہ سرکاری دورے پر ماسکو روانہ ہونا تھا تاہم موجودہ کشیدہ حالات اور سیکیورٹی چیلنجز کے باعث اس دورے کو فی الحال ملتوی کر دیا گیا ہے جب کہ پاکستان کی جانب سے روسی حکام کو اس فیصلے سے آگاہ کر دیا گیا ہے۔ وزیراعظم کا ایرانی سپریم لیڈر کی شہادت پر افسوس کا اظہار دوسری جانب وزیر اعظم شہباز شریف نے ایرانی سپریم لیڈر آیت اللہ علی خامنہ ای کی شہادت پر افسوس کا اظہار کرتے ہوئے بین الاقوامی قوانین اور اصولوں کی خلاف ورزی پر شدید تشویش کا اظہار کیا ہے۔ اتوار کو سماجی رابطے کی ویب سائٹ ایکس پر جاری بیان میں وزیراعظم شہباز شریف نے کہا ہے کہ آیت اللہ علی خامنہ ای کی شہادت پر انتہائی افسوس ہے، حکومت پاکستان اور عوام دکھ کی اس گھڑی میں ایرانی عوام کے ساتھ برابر کی شریک ہیں، ایران کے سپریم لیڈر آیت اللہ خامنہ ای کی شہادت پر حکومت اور عوام کی جانب سے اظہار تعزیت کرتا ہوں۔ وزیراعظم نے پاکستان کی طرف سے بین الاقوامی قوانین اور اصولوں کی خلاف ورزی پر اظہار تشویش کرتے ہوئے کہا کہ یہ مسلمہ اصول ہےکہ سربراہان مملکت اور حکومت کو نشانہ نہیں بنایا جانا چاہیے۔ شہباز شریف نے مزید کہا اللہ تعالیٰ ایرانی عوام کو اس ناقابل تلافی نقصان برداشت کرنے کے لیے صبر جمیل اور حوصلہ عطا فرمائے۔ واضح رہے کہ ایران کے میڈیا نے سپریم لیڈر آیت اللہ خامنہ ای کی شہادت کی تصدیق کردی جب کہ سپریم لیڈر کی شہادت پر ایرانی حکومت  نے 40 روز کے سوگ کا اعلان کیا ہے۔

خامنہ ای کی شہادت پر پاکستان میں احتجاج، امریکی قونصل خانے پر حملے کے دوران 10 افراد جاں بحق

by none@none.com (شاہزیب حسین | سلیم شیخ) on March 1, 2026 at 1:31 pm

ایرانی سپریم لیڈر آیت اللہ علی خامنہ ای کی شہادت کے بعد کراچی میں مشتعل مظاہرین نے امریکی قونصل خانے پر دھاوا بول دیا، جھڑپوں میں 10 مظاہرین جاں بحق اور 35 زخمی ہوگئے ہیں۔ اتوار کے روز کراچی میں ایم ٹی خان روڈ پر مظاہرین نے امریکی قونصل خانے میں داخل ہونے کی کوشش کی، اس دوران مظاہرین پر سیدھی فائرنگ کی گئی جس کے نتیجے میں 10 افراد کے جاں بحق ہونے کی تصدیق ہوگئی ہے جب کہ 35 افراد زخمی ہیں، لاشوں اور زخمیوں کو سول اور جناح اسپتال منتقل کیا گیا ہے۔ پولیس نے مظاہرین کو منتشر کرنے کے لیے آنسو گیس کا استعمال کیا، جس کے جواب میں مظاہرین کی جانب سے پتھراؤ کیا گیا ہے جب کہ مشتعل مظاہرین نے سلطان آباد میں ٹریفک پولیس کی چوکی اور ایک موٹر سائیکل کو نذرآتش کردیا ہے۔ امریکی قونصلیٹ کے قریب مظاہرین کی بڑی تعداد موجود ہے، مذاکرات ناکام ہونے کے بعد ایک بارپھر شیلنگ کی گئی مگر مظاہرین تاحال امریکی قونصل خانے کے باہر موجود ہیں۔ جاں بحق ہونے والوں میں 23 سالہ خاظم، 25 سالہ عدیل، 26 سالہ مبارک، 28 سالہ ساجد علی، 20 سالہ خاورعباس، 25 سالہ عباس، 19 سالہ محمد علی اور 35 سالہ قاسم عباس شامل ہیں۔ علاوہ ازیں شہر کے بعض مقامات پر بھی کشیدگی دیکھنے میں آئی جب کہ شہر کے اہم علاقوں نمائش چورنگی، عباس ٹاؤن اور ٹاور پر مظاہرین بڑی تعداد میں جمع ہوئے اور سڑکوں پر نعرے بازی کی۔ ڈی آئی جی ایسٹ ڈاکٹر فرخ علی نے میڈیا سے گفتگو کرتے ہوئے کہا کہ امریکی قونصل خانے کے باہر موجود احتجاجی مظاہرین کو منتشر کر دیا گیا ہے اور اب حالات قابو میں ہیں۔ ان کا کہنا تھا کہ کسی کو بھی قانون ہاتھ میں لینے کی اجازت نہیں دی جائے گی اور امن و امان خراب کرنے والوں کے خلاف کارروائی کی جائے گی۔ انہوں نے مزید بتایا کہ حساس تنصیبات اور ریڈ زونز کی سیکیورٹی مزید سخت کرنے کے احکامات جاری کر دیے گئے ہیں تاکہ کسی بھی ناخوشگوار واقعے سے بچا جا سکے۔ پولیس اور دیگر قانون نافذ کرنے والے ادارے مختلف مقامات پر تعینات ہیں اور علاقے کی نگرانی جاری ہے۔ عینی شاہدین کے مطابق قونصل خانے کے اطراف ہنگامی صورتحال پیدا ہو گئی اور کچھ مظاہرین نے پتھراؤ کیا جب کہ فائرنگ کی اطلاعات بھی سامنے آئیں۔ پولیس حکام کا کہنا ہے کہ مظاہرین کو منتشر کرنے کی کوشش جاری ہے اور صورتحال کو قابو میں رکھنے کے لیے اضافی نفری طلب کر لی گئی ہے۔ انتظامیہ کا کہنا ہے کہ حالات پر مسلسل نظر رکھی جا رہی ہے اور شہریوں سے اپیل کی گئی ہے کہ وہ پرامن رہیں اور افواہوں پر توجہ نہ دیں۔ کراچی میں سیکیورٹی انتظامات مزید سخت کراچی میں موجودہ سیکیورٹی صورت حال کے پیش نظر شہر میں سیکیورٹی انتظامات مزید سخت کردیے گئے ہیں اور سندھ رینجرز کی موبائل ویجیلنس ٹیمیں مختلف علاقوں میں تعینات کردی گئی ہیں۔ ترجمان سندھ رینجرز کے مطابق شہر کے حساس مقامات اور مرکزی شاہراہوں پر رینجرز کی بھاری نفری گشت میں مصروف ہے۔ اہم تنصیبات اور پبلک مقامات کی نگرانی کو مزید مؤثر بنادیا گیا ہے تاکہ کسی بھی ناخوشگوار واقعے سے بروقت نمٹا جاسکے۔ ترجمان کا کہنا ہے کہ شہر میں امن و امان برقرار رکھنے کے لیے سیکیورٹی اقدامات مزید مؤثر بنائے گئے ہیں۔ رینجرز حکام نے واضح کیا ہے کہ کسی بھی احتجاج کے دوران قانون شکنی اور توڑ پھوڑ برداشت نہیں کی جائے گی۔ رینجرز کی جانب سے امن و امان خراب کرنے والوں کے خلاف سخت قانونی کارروائی کا انتباہ بھی دیا گیا ہے۔ شہریوں کو ہدایت کی گئی ہے کہ کسی بھی مشکوک سرگرمی کی فوری اطلاع رینجرز ہیلپ لائن 1101 پر دیں تاکہ بروقت کارروائی عمل میں لائی جاسکے۔ سندھ حکومت کا اظہار افسوس سندھ حکومت نے امریکی قونصل خانے میں مظاہرین کے داخلے اور تصادم میں انسانی جانوں کے ضیاع پر دکھ اور افسوس کا اظہار کیا ہے۔ سندھ حکومت کے اعلامیے کے مطابق مظاہرین نے امریکن قونصل خانے کے اندر داخل ہوکر توڑ پھوڑ کی، افسوسناک صورت حال میں 10 افراد جاں بحق اور متعدد زخمی ہوئے، واقعے کا غیر جانبدارانہ جائزہ لینے کے لیے اعلیٰ سطحی جے آئی ٹی تشکیل دے دی ہے، جو تعین کرے گی کہ واقعہ کن حالات میں پیش آیا، اس کے اسباب کیا تھے۔ سندھ حکومت کے اعلامیے میں مزید کہا گیا کہ حکومت شہریوں کے جمہوری اور آئینی حق احتجاج کا احترام کرتی ہے، پرامن ماحول کو برقرار رکھنا ہم سب کی مشترکہ ذمہ داری ہے، کسی بھی قسم کی توڑ پھوڑ، تشدد یا قانون ہاتھ میں لینا مناسب عمل نہیں۔ سندھ حکومت نے شہریوں سے اپیل ہے کہ وہ جذبات کا اظہار پرامن اور قانونی طریقے سے کریں، حکومت حالات کو کنٹرول میں رکھنا چاہتی ہے، تمام شہریوں کو پرامن طریقے سے احتجاج ریکارڈ کروانے کا حق حاصل ہے، قانون کو کسی بھی صورت ہاتھ میں نہ لیا جائے۔ لاہور میں احتجاج لاہور پریس کلب کے سامنے بھی ایرانی سپریم لیڈر آیت اللہ خامنہ ای کی شہادت اور ایران پر حملے کے خلاف مظاہرہ کیا گیا جب کہ مظاہرین کی بڑی تعداد نے احتجاج کرتے ہوئے امریکا کے خلاف نعرے بازی کی۔ احتجاج کے دوران مظاہرین نے امریکی قونصلیٹ لاہور کے باہر توڑ پھوڑ کی کوشش کی اور امریکی قونصل خانے کے سامنے لگا سیکیورٹی کیمپ بھی اکھاڑ دیا تاہم پولیس نے انہیں اندر جانے سے روک دیا۔ پولیس نے مظاہرین کو امریکی قونصل خانے کے اندر جانے سے روک دیا، مظاہرین میں بچوں، بوڑھوں اور خواتین کی بڑی تعداد بھی شریک ہے۔ اس موقع پر میڈیا سے گفتگو کرتے ہوئے ڈی آئی جی آپریشنز لاہور فیصل کامران نے کہا ہے کہ شہر کی تمام حساس جگہوں پر صورت حال مکمل کنٹرول میں ہے۔ انہوں نے بتایا کہ مختلف جماعتوں کے احتجاج کے لیے پولیس نے پیشگی سیکیورٹی انتظامات کیے ہیں۔ فیصل کامران کے مطابق امریکی قونصلیٹ کے باہر مظاہرین پرامن تھے اور پولیس سب کو سیکیورٹی فراہم کر رہی ہے۔ انہوں نے مزید کہا کہ ایرانی سپریم لیڈر کی شہادت پر احتجاج کرنے والوں کے جذبات کا احترام ہے۔ شہریوں کو ہدایت کی گئی ہے کہ مشکوک شخص نظر آنے پر فوری پولیس کو اطلاع دیں جب کہ ایس او پیز پر مکمل عمل درآمد جاری ہے۔ اسلام آباد میں شہری سڑکوں پر نکل آئے ایرانی سپریم لیڈر آیت اللہ خامنہ ای کی شہادت کی خبر کے بعد وفاقی دارالحکومت میں شہری سڑکوں پر نکل آئے اور مختلف مقامات پر احتجاجی مظاہرے کیے گئے۔ ضلعی انتظامیہ کے مطابق صورت حال کے پیش نظر ریڈ زون کی طرف جانے والے تمام راستے سیل کردیے گئے ہیں جب کہ شہر میں دفعہ 144 نافذ ہے۔ انتظامیہ کا کہنا ہے کہ ہر قسم کے اجتماعات غیرقانونی تصور ہوں گے۔ ضلعی انتظامیہ نے شہریوں کو ہدایت کی ہے کہ وہ کسی بھی اجتماع کا حصہ نہ بنیں، احتجاج یا اجتماع کی صورت میں قانونی کارروائی عمل میں لائی جائے گی۔ انتظامیہ کے مطابق امن و امان کی صورتحال برقرار رکھنے کے لیے سیکیورٹی اقدامات سخت کردیے گئے ہیں اور متعلقہ ادارے صورت حال پر نظر رکھے ہوئے ہیں۔ دوسری طرف ایران کے حق میں احتجاجی ریلی بھی نکالی گئی، احتجاجی ریلی کے شرکا نے امریکی سفارت خانے کی جانب مارچ کیا، جس پر پولیس کی جانب سے احتجاجی شرکا پر آنسو گیس کی شیلنگ کی گئی۔ اس دوران احتجاجی ریلی کے شرکا نے امریکا اور اسرائیل کے خلاف نعرے بازی بھی کی۔ شہنشاہ نقوی کی عوام سے پرامن رہنے کی اپیل معروف عالم دین علامہ شہنشاہ حسین نقوی نے عوام سے پرامن رہنے کی اپیل کرتے ہوئے اپنے ویڈیو پیغام میں کہا کہ عوام شدت پسندی سے گریز کریں اور پرامن رہیں۔ شہنشاہ نقوی نے کہا کہ عالم اسلام اپنے رہبر سے محروم ہوگیا، یہ ایک بہت بڑا سانحہ ہے، رہبرمعظم کو سعادت اور شہادت پر مبارکباد پیش کرتے ہیں، ایرانی قوم اور دنیا کے مظلوم اپنی جدوجہد جاری رکھیں۔ انہوں نے کہا کہ ایرانی قوم اور پوری دنیا کے مظلوم اپنی جدوجہد جاری رکھیں، شہادت ایک سعادت ہے۔ ان کا مزید کہنا تھا کہ کراچی میں نمائش چورنگی پر مجلس عزا کا انعقاد کیا جارہا ہے، نمائش سے حسینیاں ایرانیان تک عزائی جلوس لے کر جائیں گے، ماتمی انجمنوں، عزا خانوں، اسکاؤٹ گروپس، تمام افراد سے اپیل ہے پُرامن رہیں۔ معروف عالم دین نے کہا کہ امریکی قونصل خانے کے باہر پیش آنے والا معاملہ انتہائی دکھ کی بات ہے، پاکستان نے سفارتی، اخلاقی طریقے سے ایران کی حمایت کی، پاکستان نے اقوام متحدہ میں بھی ایران پر حملے کی مذمت کی۔ خیبرپختونخوا میں کئی مقامات پر احتجاج ایرانی سپریم لیڈر آیت اللہ علی خامنہ ای کی شہادت کے بعد پشاور سمیت خیبر پختونخوا میں کئی مقامات پر احتجاجی مظاہرے کیے گئے۔ پشاور پریس کلب کے باہر ملت اسلامیہ پاکستان کے زیر اہتمام احتجاجی مظاہرہ ہوا، بعدازاں مظاہرین نے شیر شاہ سوری روڈ سے گزرتے ہوئے امن چوک تک احتجاجی ریلی نکالی۔ مظاہرین نے اسرائیلی اور امریکا کے خلاف شدید نعرہ بازی بھی کی، امن چوک کے مقام پر پہنچتے ہی پولیس نے مظاہرین کو منشتر کرنے کے لیے شیلنگ کی جب کہ شلینگ کی وجہ سے متعدد مظاہرین کی حالت غیر ہوگئی۔ پولیس نے مظاہرین کو قونصل خانہ سے 200 میٹر دور تک محدود کردیا، احتجاج ریکارڈ کرنے کے بعد مظاہرین پرامن طور پر منتشر ہوگئے جب کہ خیبرپختونخوا کے دیگر حصوں ، ایبٹ آباد ، ڈیرہ اسماعیل خان، ہنگو ، اورکزئی ، پارا چنار میں بھی احتجاجی مظاہرے ہوئے۔ ایبٹ آباد پریس کلب میں پریس کانفرنس کرتے ہوئے مجلس وحدت مسلمین کے صوبائی آرگنائزر خیبر پختونخوا جہانزیب علی جعفری نے کہا کہ سید علی خامنہ ای نے پوری زندگی اسلام اور مظلومین کے لیے وقف کی ان کی شہادت پورے عالمِ اسلام کے لیے بڑا سانحہ ہے۔ مجلس وحدت مسلمین ابیٹ آباد کے عہدیداروں نے کہا ہے کہ ایرانی عوام کے دکھ میں برابر کے شریک ہیں۔ ڈیرہ اسماعیل خان میں سرکلر روڈ امامیہ گیٹ سے فوارہ چوک تک احتجاجی جلوس نکالی گئی ۔ مظاہرین نے ایران کے حق میں اور امریکہ و اسرائیل کے خلاف شدید نعرے بازی کی۔ آیت اللہ خامنائی کی شہادت پر کلایہ، اورکزئی ٓمیں عوام کا احتجاج مظاہرہ ہوا جب کہ مظاہرین کا کہنا تھاکہ امریکی جارحیت کھلم کھلا دہشت گردی ہے ۔ آیت اللہ خامنہ ائی کی شہادت کا بدلہ لیا جائے۔ ملک کے دیگر شہروں میں بھی احتجاج ایرانی سپریم لیڈر آیت اللہ خامنہ ای کی شہادت پر میاں چنوں ٹی چوک میں احتجاجی ریلی نکالی گئی، جس کے باعث ٹی چوک ٹریفک کے لیے بند کردی گئی جہاں ٹریفک کی روانی متاثر ہوئی۔ کوہاٹ کے علاقے کچا پکا استرزئی میں ایرانی رہبر علی خامنہ ای کی شہادت کے خلاف دھرنا دیا گیا، مظاہرین نے امریکا اور اسرائیل کے خلاف زبردست نعرے بازی کی۔ مقررین نے حکومتِ پاکستان سے معاملہ اقوام متحدہ میں اٹھانے کا مطالبہ کیا اور کہا کہ ظلم کے خلاف عالمی سطح پر آواز بلند کی جائے۔ پاراچنار میں ایرانی سپریم لیڈر آیت اللہ خامنہ ای کی شہادت کے خلاف ریلی نکالی گئی، جس میں ہزاروں افراد شریک ہوئے، مظاہرین نے امریکا اسرائیل مردہ باد کے نعرے بھی لگائے۔ ریلی مرکزی امام بارگاہ پاراچنار سے نکالی گئی جو پریس کلب پاراچنار پہنچ کر اختتام پذیر ہو گی۔ ریلی کے شرکا نے کہا کہ علی خامنہ ای ہماری ریڈ لائن تھے، اسلامی ملک کی سلامتی اور خود مختاری پر حملے نامنظور ہیں۔ گھوٹکی میں بھی آیت اللہ خامنہ ای کی شہادت پر ضلع بھر کے شہروں میں احتجاج کیا گیا، اس کے علاوہ میرپور ماتھیلو، ڈہرکی، خان پور مہر سمیت ضلع بھر میں سخت احتجاج کیا گیا اور امریکا اور اسرائیل کے خلاف سخت نعرے بازی بھی کی گئی۔ جیکب آباد میں بھی ایرانی سپریم لیڈر آیت اللہ خامنہ ای کی شہادت پر احتجاج کیا گیا، شہریوں نے بڑی تعداد میں ڈی سی چوک پر دھرنا دے دیا جب کہ مظاہرین نے اسرائیل اور امریکا مخالف شدید نعرے بازی کی۔ گلگت بلتستان میں مختلف علاقوں میں احتجاجی مظاہرے کیے گئے، شاہراہ قراقرم پر مختلف مقامات پر احتجاجی دھرنا دیا گیا، جس کے باعث شاہراہ قراقرم ہر قسم کی گاڑیوں کی آمدورفت کے لیے بند کردی گئی۔ ہنزہ نگر میں بھی احتجاجی مظاہرے جاری ہیں جب کہ جوٹیال میں قائم اقوم متحدہ کا ذیلی دفتر نذر آتش کردیا گیا۔

اسلام آباد سمیت پنجاب بھر میں دفعہ 144 نافذ: بڑی پابندیاں عائد کردی گئیں

by none@none.com (فہد بشیر) on March 1, 2026 at 1:28 pm

اسلام آباد میں ضلعی انتظامیہ نے دفعہ 144 نافذ کرتے ہوئے ہر قسم کے عوامی اجتماعات، احتجاج اور مظاہروں پر پابندی عائد کر دی ہے۔ اتوار کو ڈپٹی کمشنر اسلام آباد عرفان نواز میمن نے ایکس پر اپنے پیغام میں کہا ہے کہ وفاقی دارالحکومت اسلام آباد میں دفعہ 144 کا نفاذ ہے، دفعہ 144 کے تحت تمام قسم کے اجتماعات کو غیر قانونی تصور کیا جائے گا، شہریوں سے گزارش کی گئی ہے کہ وہ کسی بھی اجتماع یا اکٹھ کا حصہ نہ بنیں۔ ضلعی انتظامیہ کے مطابق کسی بھی احتجاج، مظاہرے یا اجتماع کی صورت میں سخت قانونی کارروائی عمل میں لائی جائے گی۔ انتظامیہ نے شہریوں سے اپیل کی ہے کہ وہ امن و امان کی صورتحال کو برقرار رکھنے کے لیے ضابطہ اخلاق کی مکمل پابندی کریں۔ پنجاب بھر میں سیکیورٹی خدشات کے پیشِ نظر دفعہ 144 نافذ دوسری جانب صوبائی دارالحکومت لاہور سمیت پنجاب بھر میں سیکیورٹی خدشات کے پیشِ نظر دفعہ 144 نافذ کر دی گئی ہے۔ محکمہ داخلہ کے مطابق یہ اقدام دہشت گردی کے ممکنہ خطرات کے باعث اٹھایا گیا ہے، نوٹیفکیشن کے تحت صوبے بھر میں چار یا اس سے زائد افراد کے عوامی اجتماع، جلسے، جلوس اور مظاہروں پر پابندی عائد ہوگی جب کہ عوامی مقامات پر بغیر اجازت کسی بھی قسم کا اجتماع منعقد کرنے کی اجازت نہیں ہوگی۔ انٹیلی جنس ذرائع کا کہنا ہے کہ حساس اجتماعات دہشت گردی کا ہدف بن سکتے ہیں جب کہ اجتماع میں شریک علمائے کرام کو بھی نشانہ بنانے کا خدشہ ظاہر کیا گیا ہے۔ امن عامہ میں ممکنہ خلل کے پیش نظر پیشگی اقدامات کئے گئے ہیں۔ دفعہ 144 کے تحت اسلحے کی نمائش اور عوامی مقامات پر اس کے استعمال پر مکمل پابندی ہوگی، لائسنس یافتہ اور بغیر لائسنس ہر قسم کا اسلحہ اس حکم کے تحت شامل ہوگا تاہم شادی بیاہ، جنازوں اور تدفین سے متعلق اجتماعات، سرکاری و نیم سرکاری دفاتر کے اجلاس اور عدالتوں کو پابندی سے مستثنیٰ قرار دیا گیا ہے۔ واضح رہے کہ ایرانی سپریم لیڈر علی خامنہ ای کی شہادت کے بعد پاکستان کے مختلف شہروں میں احتجاجی مظاہرے شروع ہو گئے ہیں، کراچی میں امریکی قونصل خانے پر احتجاج کے دوران مظاہرین امریکی قونصلیٹ کے احاطے میں داخل ہوئے اور توڑ پھوڑ کی، اس دوران فائرنگ سے 8 افراد جاں بحق ہو گئے۔

آپریشن غضب للحق: اب تک 415 افغان طالبان ہلاک، 182 پوسٹیں، 185 ٹینک اور مسلح گاڑیاں تباہ

by none@none.com (ویب ڈیسک) on March 1, 2026 at 1:03 pm

وفاقی وزیر اطلاعات عطا تارڑ نے آپریشن غضب للحق میں اب تک مارے جانے والے افغان طالبان اہلکاروں کی مزید تفصیلات جاری کردیں، جس کے مطابق اب تک 415 افغان اہلکار ہلاک اور 580 سے زائد زخمی ہوئے ہیں۔ اتوار کے روز وزیر اطلاعات و نشریات عطا تارڑ نے سماجی رابطے کی ویب سائٹ ’ایکس‘ پر آپریشن غضب للحق کے دوران افغان طالبان کے خلاف کی جانے والی جوابی کارروائیوں کی تفصیلات جاری کیں۔ عطا تارڑ کے مطابق آپریشن کے دوران افغان طالبان کو شدید نقصانات پہنچائے گئے، اب تک آپریشن میں 415 افغان طالبان اہلکار ہلاک مارے جا چکے ہیں جب کہ زخمی ہونے والے افغان طالبان اہلکاروں کی تعداد 580 سے زائد ہے۔ انہوں نے اپنے بیان مین بتایا کہ افغان طالبان کی 182 چیک پوسٹیں تباہ کر دی گئی ہیں اور پاکستان سیکیورٹی فورسز نے 31 افغان پوسٹوں پر قبضہ حاصل کر لیا ہے۔ وزیراطلاعات نے مزید کہا کہ افغان طالبان رجیم کے 185 ٹینک، اسلحہ بردارگاڑیاں اور آرٹلری گنز تباہ بھی اس آپریشن میں تباہ کی گئی ہیں جب کہ افغانستان میں 46 مقامات پر پاکستان کی مؤثر فضائی کارروائیاں جاری ہیں۔ گزشتہ روز عطا تارڑ نے بتایا تھا کہ آپریشن غضب للحق کے تحت افغان طالبان رجیم کے 352 کارندے ہلاک اور 535 سے زائد زخمی ہیں، اب تک 130 پوسٹیں تباہ اور 26 پر قبضہ کیا گیا، 171 ٹینک اور مسلح گاڑیاں تباہ کر دی گئیں، 41 مقامات پر فضائی کارروائیوں میں اہداف کو نشانہ بنایا گیا۔ خیال رہے کہ جمعرات 26 فروری کی رات پاک افغان سرحد پر افغان طالبان کی جانب سے بلا اشتعال جارحیت کے جواب میں پاکستان کی مسلح افواج کا آپریشن غضب للحق جاری ہے۔ پاک فوج نے افغانستان کی حدود کے اندر مختلف مقامات پر جوابی کارروائیاں کیں اورکابل، قندھار اور پکتیا سمیت دیگر مقامات پر موجود عسکری تنصیبات کو نشانہ بنایا اور کئی چیک پوسٹیں تباہ کیں۔

آپریشن غضب للحق: پاک فوج کا طالبان کی مرکزی پوسٹ پر کنٹرول، ویڈیو منظر عام پر آگئی

by none@none.com (نوید اکبر) on March 1, 2026 at 12:38 pm

آپریشن غضب للحق جاری ہے جب کہ  افغان طالبان مرکز پوسٹ پر کنٹرول حاصل کرلیا گیا ہے۔ سیکیورٹی ذرائع نے کہا کہ پاک افغان سرحد پر افغان طالبان کی بلا اشتعال جارحیت کا پاک فوج  موثر جواب دے رہی ہے،  28 فروری 2026 کو دن کی روشنی میں بہادر پاکستانی جوانوں کی افغانستان میں داخل ہونے کی خصوصی ویڈیو منظر عام پر آگئی۔ سیکیورٹی ذرائع نے کہا کہ  پاکستانی فوجی جوانوں نے شمالی وزیرستان سے ملحقہ سرحدی باڑ عبور کی اور تیزی سے افغان طالبان کی مرکز  پوسٹ کی جانب پیش قدمی کی، پاکستانی فورسز کو دیکھتے ہی  افغان طالبان فرار ہونے لگے۔ سیکیورٹی ذرائع کے مطابق پاک فوج نے مؤثر جوابی کاروائی کرتے ہوئے افغان طالبان مرکز پوسٹ پر کنٹرول حاصل کر لیا، پاک  فوج نے بھرپور کارروائی کے دوران افغان طالبان کے کمپاؤنڈز کلیئر کر کے دشمن کے جھنڈے اتار دیے۔ سیکیورٹی ذرائع نے کہا کہ آپریشن غضب للحق تاحال جاری ہے اور اپنے اہداف حاصل ہونے تک جاری رہے گا۔ پاک فوج نے افغان خرچار چیک پوسٹ کے پرخچے اڑادیے دوسری جانب افغان طالبان کی جارحیت کے خلاف پاک فوج کی بھرپور اور طاقتور جوابی کارروائیاں جاری ہیں۔ اتوار کے روز سیکیورٹی ذرائع نے بتایا کہ پاک فوج نے کرم سیکٹر سے ملحقہ افغان خرچار چیک پوسٹ کے پرخچے اڑادیے اور اس دوران متعدد افغان فوجی جہنم واصل کردیے گئے۔ سیکیورٹی ذرائع نے کہا کہ پاکستان پر بلااشتعال جارحیت کے بعد افغان طالبان بھاری جانی و مالی نقصان اٹھا رہے ہیں، آپریشن غضب للحق تاحال جاری ہے اور اپنے اہداف حاصل ہونے تک جاری رہے گا۔ دوسری جانب سیکیورٹی ذرائع نے بتایا کہ افغان طالبان رجیم کی بلااشتعال جارحیت کے خلاف پاکستان کا بھرپور رد عمل جاری ہے، پاک فوج نے سرحدی علاقہ میں افغان طالبان کی پوسٹ کو دھماکہ خیز موادسے اڑادیا۔ سیکیورٹی ذرائع نے مزید کہا کہ افغان طالبان رجیم کو ہر محاذ پر پاک فوج کے ہاتھوں مسلسل پسپائی کا سامنا ہے۔ خیال رہے کہ جمعرات 26 فروری کی رات پاک افغان سرحد پر افغان طالبان کی جانب سے بلا اشتعال جارحیت کے جواب میں پاکستان کی مسلح افواج کا آپریشن غضب للحق جاری ہے۔ پاک فوج نے افغانستان کی حدود کے اندر مختلف مقامات پر جوابی کارروائیاں کیں اورکابل، قندھار اور پکتیا سمیت دیگر مقامات پر موجود عسکری تنصیبات کو نشانہ بنایا اور کئی چیک پوسٹیں تباہ کیں۔ ہفتے 28 فروری کو وزیر اطلاعات عطا تارڑ نے سماجی رابطے کی ویب سائٹ ’ایکس‘ پر آپریشن غضب للحق کے دوران افغان طالبان کے خلاف کی جانے والی جوابی کارروائیوں کی تفصیلات جاری کیں، جس کے مطابق اب تک آپریشن میں 352 افغان اہلکار مارے جا چکے ہیں جب کہ زخمی ہونے والوں کی تعداد 535 سے زائد ہے۔ عطا تارڑ نے بتایا کہ افغانستان کی 130 چیک پوسٹیں تباہ کر دی گئی ہیں اور پاکستان نے 26 افغان پوسٹوں پر کنٹرول حاصل کر لیا ہے جب کہ افغان طالبان کے 171 ٹینک اور آرمڈ وہیکلز بھی اس آپریشن میں تباہ کیے گئے ہیں، اس کے علاوہ افغانستان کے 41 مقامات کو فضائی کارروائیوں کے ذریعے نشانہ بنایا گیا ہے۔

ایران پر حالیہ حملے کے بعد وزیر دفاع خواجہ آصف کا بڑا بیان آگیا

by none@none.com (ویب ڈیسک) on March 1, 2026 at 12:18 pm

وزیر دفاع خواجہ آصف نے کہا ہے کہ ایران پر حالیہ حملے انتہائی افسوسناک ہیں اور ہمیں اُس پر دلی رنج ہے۔ اتوار کو سماجی رابطے کی ویب سائٹ ایکس (ٹوئٹر) پر جاری بیان میں مسلم لیگ ن کے رہنما خواجہ آصف نے کہا کہ پاکستان نے ہر ممکن سفارتی اور اخلاقی طریقے سے ایران کی حمایت کی ہے اور اقوام متحدہ میں بھی پاکستان نے واضح طور پر ایران کے خلاف حملے کی مذمت کی ہے۔ خواجہ آصف نے کہا کہ پاکستان کی مذہبی جماعتوں اور عوام سے اپیل ہے کہ وہ تحمل کا مظاہرہ کریں، ایسے میں اگر ہم اپنے ملک کے اندر احتجاج کو شدت میں بدلیں یا قانون کو ہاتھ میں لیں تو یہ دشمن کے منصوبوں کو فائدہ دے گا۔ وزیر دفاع نے مزید کہا کہ ہم سب کی ذمہ داری ہے کہ ہم اپنے جذبات کو قابو میں رکھیں، احتجاج کو پرامن رکھیں اور ملک کے اندر کسی بھی قسم کی بدامنی یا نقصان سے بچیں، قومی اتحاد اور استحکام ہی اس وقت پاکستان کی اصل طاقت ہے۔ دوسری جانب وفاقی وزیرداخلہ محسن نقوی نے کہا ہے  آیت اللہ خامنہ ای کی شہادت پرپاکستان کا ہر شہری غمزدہ  ہے۔ شہری  قانون کو ہاتھ میں نہ لیں، شہری پرامن طریقے سے احتجاج کریں۔ واضح رہے کہ ایرانی سپریم لیڈر آیت اللہ خامنہ ای کی شہادت کے بعد پاکستان کے مختلف علاقوں میں بھی احتجاج کیا جارہا ہے، کراچی میں ایم ٹی خان روڈ پر پولیس اور مظاہرین میں جھڑپیں  ہوئیں اور ہنگامہ آرائی کے دوران 10 افراد جاں بحق ہوگئے۔ امریکی قونصل خانے میں مظاہرین نے توڑ پھوڑ کی اور پولیس چوکی کو آگ لگادی۔ پولیس کی مزید نفری نے موقع پر پہنچ کر حالات کنٹرول کرلیے۔ نمائش چورنگی پر مظاہرین کی بڑی تعداد موجود ہے۔ شاہین کمپلیکس پر بھی مظاہرین اور پولیس میں جھڑپیں ہوئیں۔ آئی آئی چندریگر روڈ کو ٹریفک کے لیے کلیئر کردیا گیا ہے۔

ایرانی پاسداران انقلاب نے برگیڈیئر جنرل احمد وحیدی کو نیا کمانڈر انچیف نامزد کردیا

by none@none.com (ویب ڈیسک) on March 1, 2026 at 12:18 pm

ایرانی پاسداران انقلاب نے برگیڈیئر جنرل احمد وحیدی کو نیا کمانڈر انچیف نامزد کردیا ہے۔ ایرانی حکام کے مطابق برگیڈیئر جنرل احمد وحیدی اس سے قبل ایران کی مسلح افواج کے جنرل اسٹاف کے نائب سربراہ کے طور پر خدمات انجام دے رہے تھے، انہیں شہید علی خامنہ ای کے جنگجو ساتھی کی حیثیت سے بھی جانا جاتا ہے۔ تقرری کے اعلان کے بعد برگیڈیئر جنرل احمد وحیدی نئی ذمہ داریاں سنبھالیں گے۔ حکام کی جانب سے اس حوالے سے مزید تفصیلات جاری نہیں کی گئیں۔ دوسری جانب ایرانی میڈیا کے مطابق آیت اللہ علی رضا اعرافی قیادت کونسل کے ممبر منتخب ہوگئے ہیں۔ ایرانی میڈیا کا کہا ہے کہ قیادت کونسل عارضی طور پر سپریم لیڈر کے فرائض انجام دے گی، علی رضا اعرافی ایرانی سپریم لیڈر کے فرائض انجام دینے والی عبوری کونسل کے رکن مقرر ہو گئے۔ ایرانی میڈیا کے مطابق تین رکنی کونسل میں ایران کے صدر مسعود پزشکیان اور ایرانی چیف جسٹس بھی شامل ہیں، مجلس خبرگان رہبری کی جانب سے نیا سپریم لیڈرمنتخب کیے جانے تک یہ کونسل رہبر کے فرائض انجام دے گی۔ ایرانی آئین کے آرٹیکل 111 کے مطابق رہبرِ اعلیٰ کی موت، استعفے یا برطرفی کی صورت میں ملک کے صدر، عدلیہ کے سربراہ اور نگہبان شوریٰ کے ایک رکن رہبرِ اعلیٰ کی ذمہ داریاں اٹھاتے ہیں۔ آئین کے اس آرٹیکل کے مطابق اگر ان تین افراد میں سے کوئی ان ذمہ داریوں سے معذوری کا اظہار کرے تو پھر ان کی جگہ ’مجمع تشخیص مصلحت نظام‘ (فقہا کی اکثریت) ان کی جگہ نیا رکن مقرر کرے گی۔ اس کے بعد مرحلہ رہبرِ اعلیٰ کی تقرری کا آتا ہے۔ اس عہدے کے لیے کسی شخصیت کا انتخاب مجلس خبرگان رہبری کرتی ہے۔ یہ 88 فقہا کی ایک اسمبلی ہے، جس کے اراکین کا انتخاب ہر آٹھ برس کے بعد ہوتا ہے تاہم اس انتخاب سے قبل جانچ پڑتال کا کام نگہبان شوریٰ سرانجام دیتی ہے، جس میں سنہ 2024 میں خامنہ ای کے وفادار تمام نشستیں حاصل کرنے میں کامیاب ہوئے تھے۔ مجلس خبرگان رہبری کو ’جتنی جلدی ممکن ہو سکے‘ رہبرِ اعلیٰ کا انتخاب کرنا ہوتا ہے لیکن اس کے لیے معیاد کا تعین نہیں کیا گیا ہے۔ اگر مجلس خبرگان رہبری دو تہائی اکثریت سے کسی کو رہبرِ اعلیٰ منتخب نہیں کرتی تو پھر تکنیکی طور پر عبوری کونسل ہی رہبرِ اعلیٰ کی ذمہ داریاں اُٹھاتی ہے۔

اسرائیل کا تہران پر شدید فضائی حملے جاری رکھنے کا اعلان، ایران سے بھی میزائلوں کی بارش جاری

by none@none.com (ویب ڈیسک) on March 1, 2026 at 10:52 am

اسرائیل کے وزیر دفاع اسرائیل کاٹز نے اعلان کیا ہے کہ ان کی فوج تہران میں ایرانی حکومت سے منسلک مقامات کو نشانہ بناتے ہوئے شدید حملے کر رہی ہے اور یہ کارروائیاں جاری رہیں گی۔ انہوں نے سوشل میڈیا پلیٹ فارم ایکس پر بیان میں کہا کہ تہران میں اہداف پر طاقتور حملے کے لیے مسلسل فضائی پل قائم کیا جائے گا۔ تہران سے موصول ہونے والی اطلاعات کے مطابق شہر کے مختلف حصوں سے دھوئیں کے گہرے بادل اٹھتے دکھائی دے رہے ہیں اور گزشتہ چند گھنٹوں سے زور دار دھماکوں کی آوازیں مسلسل سنائی دے رہی ہیں۔ سڑکوں پر ایمبولینسوں کے سائرن بھی گونج رہے ہیں۔ ابتدائی رپورٹس میں کہا گیا ہے کہ فوجی تنصیبات کو نشانہ بنایا گیا، تاہم اس کی آزادانہ تصدیق ممکن نہیں ہو سکی۔ اطلاعات کے مطابق سات مقامات پر حملے کیے گئے جن میں تہران کے ہوائی اڈے کے اطراف کا علاقہ بھی شامل ہے۔ ابھی تک یہ واضح نہیں کیا گیا کہ نشانہ بنائے گئے مقامات کا تعلق فوج سے تھا یا حکومتی اداروں سے۔ عرب خبر رساں ادارے ’الجزیرہ‘ کا کہنا ہے کہ کچھ حملے بڑے ہوٹلوں اور شاپنگ مالز کے قریب بھی ہوئے، جس سے شہریوں میں خوف و ہراس پھیل گیا ہے۔ مقامی افراد خوراک اور ضروری اشیا جمع کرنے کی کوشش کر رہے ہیں کیونکہ انہیں خدشہ ہے کہ یہ صورتحال طویل ہو سکتی ہے۔ دوسری جانب قطر کی وزارت دفاع نے کہا ہے کہ اتوار کو بھی ابتدائی وارننگ سسٹم فعال رہا اور آنے والے میزائلوں کو فضا میں ہی روک لیا گیا۔ حکام کے مطابق کسی جانی نقصان کی اطلاع نہیں ملی ہے۔ تاہم دوحہ کے وسطی صنعتی علاقے اور امریکی سینٹرل کمانڈ کے ہیڈکوارٹر کے قریب دھوئیں کے بادل دیکھے گئے۔ اطلاعات کے مطابق گرنے والے ملبے سے ایک گودام میں آگ لگ گئی جو کچھ دیر تک جاری رہی۔ سیکیورٹی سخت ہونے کے باعث میڈیا کو وہاں فلم بندی کی اجازت نہیں دی گئی۔ برطانیہ کے وزیر دفاع جان ہیلی نے اسکائی نیوز سے گفتگو کرتے ہوئے کہا کہ دو ایرانی میزائل قبرص کی سمت فائر کیے گئے، جہاں ہزاروں برطانوی فوجی تعینات ہیں۔ ان کے مطابق میزائل براہ راست قبرص کو نشانہ نہیں بنا رہے تھے، لیکن اس سے ظاہر ہوتا ہے کہ خطے میں خطرہ بڑھ رہا ہے۔ انہوں نے مزید بتایا کہ ہفتے کے روز ایرانی حملے بحرین میں برطانوی فوجیوں کے قریب گرے، تاہم کوئی بڑا نقصان نہیں ہوا۔ بحرین کے نیشنل کمیونیکیشن سینٹر نے بھی کہا ہے کہ خلیج کے اوپر ایرانی بیلسٹک میزائلوں اور ڈرونز کی ایک نئی لہر کو روک لیا گیا ہے۔ حکام کے مطابق دفاعی نظام مسلسل فعال ہے اور صورتحال پر نظر رکھی جا رہی ہے۔

حملے کے بعد حمایت پر ایران کا اقوام متحدہ میں پاکستان سے اظہار تشکر

by none@none.com (ویب ڈیسک) on March 1, 2026 at 10:48 am

ایران پر حالیہ حملے کے بعد ایران نے اقوام متحدہ میں پاکستان کی حمایت کا خاص طور پر شکریہ ادا کیا ہے۔ ایران نے کہا کہ روس اور چین کے ساتھ مل کر پاکستان نے ایران کا مؤقف سپورٹ کیا۔ اس لیے پاکستان کے اندر تمام مذہبی گروہوں اور عوام سے اپیل ہے کہ وہ اپنے جذبات کو قابو میں رکھیں، پاکستان نے ہر ممکن سفارتی اور اخلاقی مدد ایران کو فراہم کی ہے۔ انہوں نے مزید کہا کہ اقوام متحدہ میں بھی پاکستان نے حملے کی کھل کر مذمت کی، اگر ہم اپنے ملک میں احتجاج کو تشدد کی طرف لے گئے یا امن و امان کو نقصان پہنچایا تو ہم دشمن کے منصوبوں کو تقویت دیں گے لہٰذا سب سے درخواست ہے کہ وہ صبر اور دانشمندی سے کام لیں اور ملک میں کسی بھی قسم کی لاء اینڈ آرڈر کی صورتحال نہ پیدا کریں۔

سلمان علی آغا نے ٹی 20 ورلڈ کپ میں پاکستان کی ناکامی کی ذمہ داری قبول کرلی

by none@none.com (ویب ڈیسک) on March 1, 2026 at 9:43 am

پاکستان کرکٹ ٹیم کے کپتان سلمان علی آغا نے آئی سی سی مینز ٹی 20 ورلڈ کپ 2026 میں پاکستان کی ناکامی کی ذمہ داری قبول کرلی ہے۔ سری لنکا کے شہر کینڈی میں پریس کانفرنس کرتے ہوئے قومی ٹیم کے کپتان سلمان علی آغا نے کہا کہ پورے ٹورنامنٹ میں ہم نے انڈر پرفارم کیا،  4 ٹورنامنٹس میں ہم سیمی فائنل میں نہیں پہنچے، پریشر میں آکر اچھے فیصلے نہیں کرپا رہے، اگر انڈر پریشر آتے رہیں گے تو یہی کچھ ہو گا،  شکست کی ذمہ داری ہم ہی لیں گے کپتان اور کوچ دونوں ذمہ داری لیں گے، ہم سلیکشن میں بھی شامل تھے پلیئنگ الیون بھی ہم نے کھلائی۔ پاکستانی کپتان نے کہا کہ کنڈیشنز کو دیکھ کر پلیئنگ الیون بناتے ہیں ہم کوچ کے ساتھ مل کر کمبی نیشن بناتے ہیں، صاحبزادہ فرحان کے علاوہ بیٹنگ میں کوئی کامیاب نہیں ہوا ، میں اپنی کپتانی کا اس وقت فیصلہ کروں گا تو یہ جذباتی پن ہوگا، واپس جا کر دو چار دن لوں گا پھر دیکھتے ہیں کیا فیصلہ کرتا ہوں۔ سلمان علی آغا نے مزید کہا کہ  فخر زمان نے غیر معمولی بیٹنگ کی ہمیں پاور پلے میں ایسی ہی بیٹنگ کی ضرورت تھی ،  ہمیں میچ سے پہلے ہی علم تھا کہ ہمیں کیسے پلان کرنا ہے تاکہ سیمی فائنل میں پہنچیں،  ہم ابھی کہہ سکتے تھےکہ فخر زمان کو پہلے چار میچز کھیلنے چاہیے تھے، فخر زمان کی اس سے قبل فارم اچھی نہیں تھی۔ واضح رہے کہ آئی سی سی مینز ٹی ٹوئنٹی ورلڈ کپ کے سپر 8 مرحلے میں پاکستان نے سری لنکا کو سنسنی خیز مقابلے کے بعد 5 رنز سے شکست دے دی لیکن ورلڈکپ سے باہر ہوگیا، پاکستان نے مقررہ 20 اوورز میں 8 وکٹوں پر 212 رنز بنائے۔ جواب میں سری لنکا کی ٹیم 207 رنز بناسکی۔ پاکستان کو سیمی فائنل میں کوالیفائی کرنے کے لیے سری لنکا کو 147 یا اس سے کم پر آؤٹ کرنا تھا تاہم پاکستانی بولرز سری لنکا کو 147 رنز پر نہ روک سکے اور گرین شرٹس ٹی ٹوئنٹی ورلڈکپ سے باہر ہوگئے۔

ایرانی چیف آف اسٹاف جنرل سید عبدالرحیم موسوی بھی شہید ہوگئے: ایرانی میڈیا

by none@none.com (ویب ڈیسک) on March 1, 2026 at 9:04 am

ایرانی فوج کے چیف آف اسٹاف جنرل سید عبدالرحیم موسوی کو تہران میں شہید کردیا گیا۔ ایران کے سرکاری خبر رساں ادارے (ارنا) نے دعویٰ کیا ہے کہ ہفتے کے روز ملک پر ہونے والے حملوں کے دوران ایران کی اعلیٰ عسکری اور دفاعی قیادت کو نشانہ بنایا گیا، جس کے نتیجے میں کئی اہم شخصیات ہلاک ہو گئیں۔ رپورٹ کے مطابق ایران کی مسلح افواج کے چیف آف اسٹاف چیف آف اسٹاف سید عبدالرحیم موسوی اور وزیرِ دفاع عزیز ناصرزادہ ان حملوں میں حملوں میں شہید ہوگئے۔ ایرانی میڈیا کے حوالے سے یہ بھی بتایا گیا ہے کہ ملک کے سپریم لیڈر علی خامنہ ای ، ان کے سیکیورٹی مشیر علی شیمخانی اور پاسدارانِ انقلاب کے کمانڈر انچیف محمد پاکپور کی ہلاکت کی بھی تصدیق کی گئی ہے۔ رپورٹ میں مزید کہا گیا ہے کہ مسلح افواج کے دیگر کمانڈرز بھی ہلاک ہوئے ہیں، تاہم ان کے نام بعد میں جاری کیے جائیں گے۔ واقعے کے بعد خطے میں کشیدگی میں اضافہ دیکھا جا رہا ہے۔ حکام کی جانب سے تاحال مکمل تفصیلات جاری نہیں کی گئیں، جبکہ واقعے کے اثرات اور ممکنہ ردعمل کے بارے میں مختلف قیاس آرائیاں جاری ہیں۔ دوسری جانب امریکا اور اسرائیل کی جانب سے ان دعوؤں پر فوری طور پر کوئی باضابطہ تفصیلی بیان سامنے نہیں آیا۔ صورتحال پر نظر رکھی جا رہی ہے اور مزید معلومات سامنے آنے کی توقع ہے۔

High-level meeting reviews country’s security situation

by Ehsanullah on March 1, 2026 at 3:30 am

Prime Minister’s instructions, measures for the evacuation of Pakistani citizens in light of the situation in Iran were reviewed.

President, PM express grief over Ayatollah Khamenei’s martyrdom

by Ehsanullah on March 1, 2026 at 3:22 am

PM prayed for the departed soul and that Allah Almighty grant patience and strength to the Iranian people to bear this irreparable loss.

The nuclear nightmare at the heart of the Trump-Anthropic fight

by Web Desk on March 1, 2026 at 2:00 am

President Donald Trump ordered the entire federal government to stop using products from the AI company Anthropic on Friday to stop what he called a “radical left, woke company” from encroaching on the military’s decision-making.  The public feud between the …

AI deepfakes are a train wreck and Samsung’s selling tickets

by Web Desk on March 1, 2026 at 12:00 am

On Thursday morning, I attended a Q&A panel with four top Samsung smartphone executives. Until 2025, Samsung was the world’s largest smartphone manufacturer, and by association, the world’s largest maker of cameras. It’s still the second largest after Apple. …

CISA is getting a new acting director after less than a year

by Web Desk on March 1, 2026 at 12:00 am

The US Cybersecurity and Infrastructure Security Agency (CISA), which is part of the Department of Homeland Security, is getting a new acting director, as reported by ABC, less than a year after Madhu Gottumukkala took charge of the agency as deputy director …

Operation Ghazab Lil-Haq: Pak Army responding effectively to Afghan Taliban’s aggression

by Ehsanullah on February 28, 2026 at 11:37 pm

The security sources said “Operation Ghazb Lil-Haq” is still underway and will continue until objectives are achieved.

One big takeaway from Trump’s SOTU, briefly explained

by Web Desk on February 28, 2026 at 11:00 pm

This story appeared in The Logoff, a daily newsletter that helps you stay informed about the Trump administration without letting political news take over your life. Subscribe here. Welcome to The Logoff: President Donald Trump gave a very long State of the U…

Pakistan calls for resumption of diplomacy to resolve ME crisis:Asim Iftikhar

by Ehsanullah on February 28, 2026 at 10:00 pm

Pakistan also condemns the attacks against the Kingdom of Saudi Arabia, Bahrain, Jordan, Kuwait, Qatar and the United Arab Emirates.

PM Shehbaz cancels Russia visit amid escalating Iran conflict; emergency security meeting convened

by Ehsanullah on February 28, 2026 at 9:56 pm

Prime Minister has called a high-level meeting to assess the current regional security situation.

Airlines suspend Middle East flights after US, Israel strikes on Iran

by Faisal Ali Ghumman on February 28, 2026 at 3:58 am

Flight maps showed the airspace over Iran virtually empty as Israel said it struck Iran and the U.S. military initiated a series of strikes against targets in the country. Iran retaliated with a salvo of missiles

Khamenei is alive, Iran interested in de-escalation: foreign minister

by Faisal Ali Ghumman on February 28, 2026 at 3:49 am

Foreign Minister Abbas Araghchi told NBC News that supreme leader Ayatollah Ali Khamenei was alive “as far as I know”, in an interview from Tehran with the US outlet, adding that “all high ranking officials are alive”

Sustainability in Gulshan-e-Ravi: a neighbourhood at the crossroads

by Ehsanullah on February 28, 2026 at 2:40 am

Community-led tree plantation drives and stricter enforcement of zoning regulations could safeguard these spaces

The false promise of a “no sugar” diet

by Web Desk on February 28, 2026 at 2:02 am

When I picked up my kids’ birthday cake this week, I felt a tinge of guilt that I’m sure many people will find familiar. Isn’t this thing loaded with sugar?  The health and wellness space is filled with people pushing zero/no sugar diets, sometimes as a short…

The most important line from Trump’s State of the Union

by Web Desk on February 28, 2026 at 2:01 am

Donald Trump’s State of the Union address was the longest ever given. But to understand its core purpose — arguably, the core purpose of his presidency — you need only to hear one line. It came during a discussion of the SAVE Act, a Republican bill designed t…

The Pentagon’s battle with Anthropic is really a war over who controls AI

by Web Desk on February 28, 2026 at 2:01 am

Secretary of War Pete Hegseth sometimes appears as if he’s more interested in the optics of playing the part of a military leader than he is in actually being a military leader.  Maybe that’s why he has chosen a Hollywood-esque high noon — or, at least, late …

Everyone ignores this good news about democracy

by Web Desk on February 28, 2026 at 2:00 am

This story appeared in Today, Explained, a daily newsletter that helps you understand the most compelling news and stories of the day. Subscribe here. The January 6, 2021, attack on the US Capitol produced some extraordinary images. But for sheer narrative dr…

Brazil vs. US: Two insurrections, different results

by Web Desk on February 28, 2026 at 2:00 am

On January 8, 2023, thousands of supporters of Brazil’s right-wing former President Jair Bolsonaro stormed federal buildings in the country’s capital. Their goal? Overthrow the results of an election they claimed was rigged, despite no credible evidence of fr…

Can you fix a broken democracy without breaking it more?

by Web Desk on February 28, 2026 at 2:00 am

This story appeared in Today, Explained, a daily newsletter that helps you understand the most compelling news and stories of the day. Subscribe here. Twenty-four-year-old Polish activist Dominika Lasota remembers waiting in anxious silence for the 2023 elect…

T20 World Cup: Sri Lanka chase 213-run target set by Pakistan

by Faisal Ali Ghumman on February 28, 2026 at 1:48 am

Pakistan must defeat Sri Lanka by a significant margin to qualify for the semi-finals

Stars’ Rantanen out weeks after Olympic injury

by Web Desk on February 28, 2026 at 1:00 am

Mikko Rantanen will be out for an extended time for the Dallas Stars after sustaining a lower-body injury in the Olympics.